Արմավիրի մարզի Ակնալիճ համայնքում ս/թ հունվար ամսին տեղադրվեց արագաչափ: Եկամտաբերության տեսանկյունից արագաչափի տեղադրման վայրն այնքան էլ արդյունավետ չէր:


Ակնալիճը երթևեկության կանոնների համաձայն բնակավայր չէր համարվում և վարորդները կարող էին երթևեկել 90 կմ/ժամ արագությամբ: Արագաչափի արդյունավետությունը բարձրացնելու նպատակով Ակնալիճ բնակավայրի կապույտ գույնի ցուցիչ նշանը փոխարինվեց սպիտակով, և սա այն պարագայում, երբ Ակնալիճը տեղակայված է Արմավիր-Երևան ավտոմայրուղու աջ կողմում և հետիոտների անցման համար կառուցվել է գետնանցում: