Տնտեսություն

ՆԱԽՈՐԴ ԴԱՐԻՑ ԺԱՌԱՆԳԱԾ ԲՈՒԺՍԱՐՔԱՎՈՐՈՒՄՆԵՐՆ ՈՒ ԺԱՄԱՆԱԿԻ ՊԱՀԱՆՋՆԵՐԸ

10 դեկտեմբեր, 2013

  • Нравится

Աշտարակի հիվանդանոցի ջուրը մատակարարվում է քաղաքի ընդհանուր ջրամատակարարման գրաֆիկով՝ օրական երկու անգամ, առավոտյան և երեկոյան, երկուական ժամով: Այս ընթացքում հիվանդանոցի անձնակազմը կուտակում է ողջ օրվա համար ջրի անհրաժեշտ քանակը:
Հիվանդանոցի տնօրեն Արթուր Հովհաննիսյանի համար դժվար է թվարկել մոտ 60 տարի առաջ կառուցված և 4 մասնաշենքից բաղկացած բժշկական կենտրոնի խնդիրները: Դրանք սկսվում են կոյուղագծերից և ավարտվում բուժսարքավորումների մաշվածությամբ:
Բուժսարքավորումները հիվանդանոցը ժառանգել է անցած դարից: Ըստ Հովհաննիսյանի, դրանք շատ հաճախակի փչանում են, վերանորոգում ենք ու նորից աշխատում: Օրինակ, հիվանդանոցի ռենտգեն ապարատը 50 տարեկան է: Հիվանդանոցի շենքը վերանորոգելու անհրաժեշտության մասին տնօրենը բազմիցս դիմել է պատկան մարմիններին: Առայժմ հուսադրող պատասխան չի ստացել, բայց հույսն էլ չի կորցրել, ասում է հնարավոր է հաջորդ տարի հիվանդանոցի շենքի վերանորոգումն ընդգրկվի պետական որևէ ծրագրում:
Բժշկական կենտրոնը սպասարկում է Աշտարակ քաղաքը և շրջակա 36 համայնքները՝ 67 հազար բնակչությամբ: